Ээрчибес мүчөлөр уңгунун (же негиздин) акыркы муунундагы тыбыштарга карата өзгөрүлбөй жалганат. Ээрчибес мүчөлөрдүн үнсүз тыбыштары да, үндүү тыбыштары да өзгөрбөй өз турпаттарын сактап келет. Алардын дээрлик бардыгы кабыл алынган мүчөлөр. Булар саналуу гана. Мисалы:
-кор: малкор, жемкор, сүткор, бозокор ж.б.
-кеч: кыялкеч, арабакеч, асылкеч, мээнеткеч ж.б.
-кер: кызматкер, айыпкер, ишкер ж.б.
-стан: Кыргызстан, Казакстан, Өзбекстан ж.б.
-изм: социализм, жыргализм ж.б.
Сөздүн мүчөлөрү, башкача айтканда, морфемалар (уңгу, куранды, уланды) маани-мазмундары жана сөз тутумундагы аткарган кызматтары боюнча бири-биринен айырмаланышат.