Сөз жасоонун синтаксистик жолу менен татаал этиштер жасалат да, алар дээрлик кошмок сөздөр болуп уюшулат. Бардык түгөйлөрү этиш (же этиш менен чакчыл) болуп келген татаал этиштер да (айта бер-, отура тур-, сүйлөй кой-, токтоп тур-, токтотуп кал- ж.б.); бир түгөйү атоочтордон болуп уюшулган татаал этиштер да (ашык бол-, кол кой-, көз сал-, тил ал-, добушка кой-, изине түш-, четке как-, жарпты жаз-, анттан тай-, үстүнөн чык- ж.б.); бир түгөйү тууранды сөздөрдөн болуп уюшулган татаал этиштер да (үрп эт-, солк эт-, кылт эт-, күңк де-, дыр кой-, бүк түш- ж.б.) кошмок сөздөр.