Чамалама сан

Заттардын, нерселердин санын, эсебин, иретин чамалап, божомолдоп так эмес кылып көрсөткөн сан атоочтор чамалама сан атоочтор деп аталат. Мисалы: Он чакты күндөн бери бир да тамчы тама элек.

Чамалама сандар көбүнчө аныкталгычтары менен кошо айтылат: Анткени аларда так болбосо да сандык маани басымдуулук кылат: Жыйырма чакты кой, үч-төрт окуучу; жүзчө каз; отуздай эчки; жүздөн ашуун китеп ж.б.

Кыргыз тилиндеги чамалама сандардын дээрлик бардыгы туунду уңгулар. Алар морфологиялык ык менен да, синтаксистик ык менен да жасалат.