Жандама мүчө деген эмне

Жандама мүчө аныкталуучу сөздөн кийин келип, анын кесип, жакындык, өнөр, наам, сыпат, мүнөз, даража жагынан болгон белгисин билдирет. Мисалы: Берикбай уста көбүнчө аялдардын күмүш шакегин, билеригин жасар эле. жандама мүчө – уста. Берикбайдын т.а., аныкталгычтын өнөр жагынан болгон өзгөчөлүгүн билдирди.

Демек, жандама мүчө өзүнөн мурдагы сөз менен бирдикте, сүйлөмдүн бир эле мүчөсү болот. Мисалы: Берикбай уста аялдардын зер буюмдарын жасайт. Ким? – Берикбай уста – ээ.