Ыңгай категориясы

Этишти башка сөз түркүмдөрдөн айрымалоочу грамматикалык категориялардын дагы бири ыңгай категориясы болуп эсептелет. Ыңгайдын грамматикалык каражаттары аркылуу этиш сөздөр субъект менен объектинин ортосундагы кыймыл-аракеттин мүнөзүн билдирет. Башкача айтканда, ыңгайларда этиш сөздөрдүн лексикалык мааниси өзгөрбөй, грамматикалык маанилери өзгөрүүлөргө дуушар болот. Ошентип, ыңгай категориясы этиштин сөз өзгөртүү системасынын бир тармагы.

Сүйлөмдө кыймыл-аракеттин субъектилер тарабынан аткарылыш мүнөзүн билдирген грамматикалык маанилер жыйындысы этиштин ыңгай категориясы деп аталат.

Кыргыз тилинде ыңгайдын беш түрү бар:

1. Баяндагыч ыңгай
2. Буйрук ыңгай
3. Тилек ынгай
4. Ниет ыңгай
5. Шарттуу ыңгай