Туюк мамиле

Туюк мамиледе кыймыл-аракетти аткарган субөект белгисиз бойдон калат. Сүйлөмдөгү субөект менен обөектиге карата кыймыл-аракет кандайдыр башка жактан келип таасир эткендей болот. Мисалы: Саясат деген дал ошол тарбиядан башталат, үгүт-насаат ишинен, ушак-айыңдан башталат. (С.Станалиев) Эч жылыбаган үйдө жүрөк жылыткан ырлар жазылды. (К.Жусупов) Сүйлөмдөрдөгү башталат, жазылды деген кыймыл-аракеттер саясат, ырлар деген грамматикалык субөектилерге багытталып, сүйлөмгө катышпаган башка бир белгисиз субөектилер тарабынан аткарылып жатат. Ошентип, кыймыл-аракеттин ким тарабынан аткарылганы белгисиз, туюк бойдон калып жатат.

Кыргыз тилинде  этиштин туюк мамиле маанилери төмөндөгүдөй жолдор менен уюшулат.

1. Туюк мамиле маанилерин -ыл мүчөсү уюштурат. Берилген тапшырмалар аткарылган соң, студенттер театрга барууну чечишти. (Ш.Бейшеналиев) Тапшырмаларды, албетте, студенттер өздөрү аткарган, бирок бул сүйлөмдө тапшырмалар өзүнөн-өзү эле аткарылып калгандай маани берилип жатат. Ким тарабынан аткарылганы айтылбай туюк мамиле мааниси жаралды. Шаар өстү, бийик-бийик үйлөр курулду. («Эркинтоо») үйлөрдүн ким тарабынан курулганы белгисиз.
2. Туюк мамиле этиштер  -ын мүчөсү менен  да уюшула берет. Мисалы: Тергөөчүнүн эмнени сурайын деген ою дароо эле билинди. (С.Станалиев) Бийерде да кыймыл-аракет (билинди) грамматикалык субөектиге (ою) багытталып, аны ким аткарганы, башкача айтканда, логикалык субөект белгисиз бойдон калды.